Monday, July 27, 2009

MANGGANG MANGGANG MANGGANG...........

SAMUEL BERENGKAH NYADUNG


SAGIENG BEKALIH KE BALA TUNU


BALA TUNU KA CECHELUM EMPA API


FLEXCHER NABAK KE PANGGANG DIPERATI KE SAGIENG


SAGIENG MERATI ARI JAUH DULU


BARU UDAH TEMBU DITABAK KE FLEXCHER


TUKANG PANGGANG NO 1 FLEXCHER



Lemai ari 4 tu tadi kami sebuat bisi bepanggang ke utai mengamit baru,baka selama meh nya,enda kala ngelaung ke ujung minggu.Enda pia boring ga nadai pengawa.......ke sekali tu bisi special mimit meh ba kami sebuat,kelimpah ari utai bukai ke selalu dipanggang ngelamatu,sekali tu kami sebuat bisi manggang ikan sadin.Enti di menoa nadai nya pedis bulih ikan sadin,nurun aja ke market gerenti bisi.Tang pengelama kami menyanak ke udah diau di Kelantan ditu,baru bisi meda ikan sadin tu bisi dijual ditu.Suah ga udah ngiga ngelamatu lalu nadai kala bulih,terpantup ga tetenguk kami sebuat ke nyera ke ikan sadin.......baka selama mega,enggai nyadi enti manggang nadai ahhh............boleh tahan ga,umbas iya di tat ke pala kami sebuat lemai nya.......balat diri ga pangkung botol bichu.........

BEGIGA KE BALA KAIN.......

SOPHIA SIMBA GALI MANDANG KA BALA KAIN


MACAM MACAM CURAK KAIN



30 RAMBAR NADAI ENDAR DIPEDA........



Enda berasai tinggal 2 minggu da agi alai kami menyanak deka mulai ke diri ke menoa.Lembau deka nyebut asai ati,nyau ka ninting ke tinduk malam bisi ngambi kenyap utai dimenoa,tang lebuh ke enchelak mata pagi nemu nya agi ga bedau di Kelantan ditu.Nyangka dibai ati ke kelalu gagit deka pulai jangka aku........nyangka nya kini selalu ngasuh ngigau ke utai di menoa.Sigi gaya kitai pulai ari menoa urang meh,sigi enda kala tinggal utai ke ulih dibai kitai nyadi ke ayam asuh bala ke bisi enggau betemu dimenoa ila.......nyadi kami menyanak ke sekali tu bisi mega bebeli ke bala anak kain ditu......nadai ga lebih endar ari kain kitai di Sarawak,tang enggai enda meli,laban kain ari tu ke selalu ditanya ke bala lebuh ke pulai ke menoa ngelamatu.Ungkus kena meli enda ibuh aku nyebut,tang kitai sama nemu meh berapa ga ungkus kain diatu serambar.........angat diri ga rega iya,tang nadai ngawa meh nya,amat meh bisi utai ke dikegaga ke bala ila.Bisi amat nya ngasuh bala rindang ila,enda kurang 30 rambar kain bisi dibeli kami menyanak.

KERETA ANGUS BA TESCO



Nyau udah tembu ke begiga ke bala kain tadi,kami menyanak mutar kediri asuh TESCO.Deka bebeli ke bala sida anak lauk enggau perengka dapur ke bukai.....Tekenyit amat lebuh ke datai ba alai parking diak,meda kereta sebuah tak baru udah angus,kami menyanak datai diak api sigi udah tembu dipadam ke sida bomba.Nasib amat nadai kereta ari sepiak sepiak kereta nya.Enda nemu nama kebuah tau angus,jangka ke aku nyangka laban alarm iya kini............tauke tusah ka nyebut urang diatu,enda alah bayar pan sanggup meh mensia betunu ke kereta.........macam macam......


KERETA ANGUS BA TESCO




Ari ke begiga ke kain lalu macam macam utai bukai bisi nyadi........

Sunday, July 05, 2009

LEPAK KEBUN SULTAN ENGGAU ROSI SEMENYANAK

BALA PEMAKAI KE BISI DIPAKAI KAMI SEBUAT



APAI SIMBA



APAI SIMBA SEMENYANAK



...........................



Malam kemari kami menyanak bisi asuh Kebun Sultan baru.Ke sekali tu kami menyanak begulai enggau sida Apai Qumang semenyanak.Nadai nama nama,semina rindu ati begulai makai utai diak aja.Nyau pemuas ke nadai pengawa diau di rumah seari ari kemari,tambah mega nyau nadai entu ati deka makai utai panduk di rumah ga.Nemu nemu ajalah bakani ke asai ati gagit ka pulai ke menoa,tak sekumbang ke udah meli tikit bilun sarinya,kami duai Indai Simba selalu aja ngenati ke utai pakai kitai di menoa, kelebih agi mee kampua.Lauk ditu nyau nadai ati agi meda,nyau leju bepajuh ke iya.
Ngicha ke nyawa ka makai meh ko jako,aku lalu mai sida Rosi tu sama kia meh.Okeylah.....ulih masuk ga diempa,satay manuk boleh tahan ga asai iya,40 batang enda lama kami sebuat ngelebus ke iya.Kelimpah ari nya bisi ga ngangau ka ikan merah tunu,pari tunu sereta mega enggau kerang tunu.Myadi bala tunu tu tadi pedas memagang,semina kerang aja enda pedas.Cina ke bejual bala tunu tu tadi,kala gawa di menoa kitai di Sarawak sepengelama 15 taun,jako iban agi ga iya nemu memimit didinga aku.Kepenudi iya meda menoa Semanggang ko iya dalam taun 1989 menya.Lalu nyentukka saritu lalu bedau kala ngindik Sarawak agi.
Bendar diri ga kami sebuat makai tunu pedas nya kemari,bisi endar dibai pulai.Datai dirumah berumban nuju agu...........lapa deh,gaji nyawa bam.......




ERNEST VINSON BANYAN,INDAI SIMBA,SOPHIA SIMBA




APAI QUMANG SEMENYANAK



SOPHIA SIMBA NGENAT AJA DIKACAU QUMANG..........




GAMAL UTAI SEMINA TINGGAL TULANG

Saturday, July 04, 2009

MANGGANG,UJAN,BELANTAK...............

Udah bekau ke enda nyadi pengawa manggang lemai ari 4 nyin kemari,lemai ari minggu tu tadi Apai Qumang tak ngenyit bebai ke kami sebuat manggang.Nyau tetenguk ke tunu manuk ko iya.......tang ko aku ukai tetenguk ke tunu manuk Apai Qumang tu tadi,tetenguk ke cap ahh bisi lah........manggang nya ke lesen ba Indai Qumang aja nya.
Nyadi meh pengawa kami sebuat ke deka manggang lemai nya.Aku lalu nurun ngambi unggal aku Apai Amours mega asuh Pasir Mas.Nyampau diri ga penyauh Kok Lanas tu asuh Pasir Mas kia,ka pan enda ambi meh,enggai ninggal ke kaban.Tudah tuai bangat ulung endar ga,lama amat ga udah belajar dribar tang pil belama ga lebuh ke ngambi test dribar.kelalu balat takut.......baka ke ukai polis......huahuahuahuaaa...bangat ulung amat.Enda pia lama udah seduai iya Indai Amours udah meli kerita.Mupuk aku ari rumah nadai ujan,tang masuk aku nuju jalai asuh sida iya kin,enda nemu aku pemangat ujan.Enda tentu ulih peda utai kemua,belubah meh aku dribar,ambis iya laju semina ulih 60km/j aja aku.Takut mai laju,nangi ke bisi penanggul.

TU VIDEO MANDANG KE GAYA ARI MAYA NYA...
video


Nyau datai ba jambatan ke meraka sungai Kelantan semak Pasir Mas,meda urang belantak ga aku.Nadai naban ke nyawa,semina kerita aja bisi keremping.Pelaba ke aku nyangka kelalu laju seduai tu,sigi gaya urang ditu mai kerita enda mereti.Ari baruh tu bisi video kerita ke belantak nya,enda tentu terang,laban ke diambi pansa lalu aja.


KERITA BELANTAK
video

Nama agi deh,jalai lalu jam..........laban ke Pasir Mas meh,sigi penanggul ke no 1 nya.Pama ga rintai bala kerita peda aku,ari pun jambatan penatai ari aku tu nyentuk ka nyau ka datai ba pasar Pasir Mas.Ari baruh tu mega bisi video iya.peda meh......

RINTAI BALA KERITA
video

video


Pulai asuh pengawa manggang tadi,baka selama mega.Bisi manuk bisi ga utai siti nya,semetiklah.........lalu bisi ngirup mimit ai langkau di bai unggal aku Flexcher pulai gawai tu tadi.Tepantup ga ati malam nya...........hehehehehee nadai pengawa bukai,palus aja aja pengawa..........

PANGGANG MANUK


SEMETIK


TUKANG PANGGANG SAMUEL ENGGAU SAGIENG


ROSI,FLEXCHER,SIMBA,SIDI ENDA SABAR NGANTI TUNU MANSAU


NYA IYA BULIH,APAI QUMANG SEDUAI APAI ONEIL UDAH BELABUH


SOPHIA SIMBA BEGULAI ENGGAU UNGGAL AKU SIDI



Udah bendar diluar,kami sebuat mulai kediri ke bilik.Baka selama mega,sigi enda sah enti nadai music mimit.

APAI SIMBA NEBAH GUITAR,APAI ONEIL NEBAH KEYBOARD LALU PENYANYI INDAI SIMBA......


APAI QUMANG NYAU BEBUKA KE BAJU,UDAH BULIH LALU BEBERAP KA ANAK DARA IYA.(NGICHA KE ENDA KENA BOM)



NYIN IYA KE GALI ARI UJUNG SEKALI........UNGGAL AKU FLEXCHER UDAH BULIH(SAGIENG SEDUAI SIDI PAN SAMA UDAH TERLENTANG MEGA,TANG ENDA SEMPAT DIAMBI GAMBAR)

Friday, July 03, 2009

BLACK OUT NGEJUNG KE BEJEGAU MALAM

AGI NGANTI PEMAKAI DIANJUNG CINA




ERNEST BERATI KE URANG NGANJUNG SATE




BALA ANAK GAGA KE SATE UDAH DATAI



SEDUAI IYA SEMADIK BEPAKAI KA SATE TI LAMA UDAH DIANTI



PEMENDAR BEPAKAI KE SATE,SIMBA NYAU NGELIAT...........



NYAU KA AMBIS 2 PINNGAI SATE UDAH DIEMPA SEDUAI SEMADIK



Tusah amat nadai karan,nyau selemai lemai tu tadi kami menyanak ke kasak kasak enda nyamai diau nadai karan.Enda nemu nama ga main tau nadai karan,ujan nadai ga, kudi nadai ga,tak ngenyit nadai karan.Iya ga ari naka iya pengangat,nyau peluh terusur aku ke nganti karan ke bisi.Tusah amat menoa Kelantan ditu,selalu amat nadai karan.Ari nyau petang lalu bedau ga bisi karan,nyau pemuas iya meda jam nyau udah pukul 9 lalu malam,lalu bedau ga bisi karan.Diak kami menyanak lalu bebai ke pangan diri keluar,nguji ka makai utai sebelah Kota Bharu seraya ke lari ke black out.Enti diitung kada ke datai 10 kali kami menyanak udah kala keluar malam sekumbang ke berapa taun tu ke udah nguan menoa Nik Aziz ditu.Nangi ka keluar malam,laban jauh diri ga pendiau kami menyanak tu ari Kota Bharu.Ni nemu rusak kerita kini serantau jalai,lelak isi,ukai bisi ngelala urang.Enti siang nyamai meh,mayuh utai bukai ga ulih kena mindah dulu.
Ninga ka keluar,nama deh gaga ngasak amat meh bala anak.Nyau boring seduai iya bemain dalam petang tadi......datai ba Kota Bharu kami menyanak lalu nuju Kebun Sultan foodcourt.Mayuh macam utai pakai ke bisi dijual urang diak,kami menyanak nguda sate manuk enggau daging,ikan telepia merah enggau pari tunu........boleh tahan ga asai iya.Bala anak masuk amat bepakai ke sate,tunu telepia enggau pari enda ulih empa seduai iya,kelalu pedas.........nyamai ga agi ari ke diau dirumah tadi ngelaban petang........pukul 12 pia meh,kami menyanak mulai ke diri.Nasib udah bisi karan,enda pia pedis isi ka tinduk...............



TUNU TELEPIA KO JAKO,TANG ENDA ANGUS



PARI ENGGAU TELEPIA TUNU



INDAI SIMBA BENUNG KA NYUNGKIT ISI IKAN ENGGAU SUAR........

PATUNG BUDDHA DUDUK

TU GAMAL PATUNG BUDDHA KE DUDUK NYA(ENDA INGAT KE PENAMA IYA)



INDAI SIMBA SEMENYANAK BEGULAI ENGGAU MEK SIAM




SEBAKA ENGGAU PATUNG KE BESAI ARI ATAS NYA..........ARI BARUH PATUNG KE BESAI TADI



BAKA SELAMA.....APAI ENGGAU INDAI SIMBA



Nemuai asuh iya ke gali udah ga bedau tentu lama ti udah.Kesekali tu kami menyanak bisi nemuai asuh patung buddha iya ke duduk.Ko tusui Mek Siam ke enggau kami duai Indai Simba kia,patung ke duduk tu meh iya ke pengambis iya besai ba Asia jam kediatu.Nyangka amat meh nya,iya lebih agi nemu,pengarap iya empu nya.Enda patut ga tudah tuai ka bebula ke aku.Pansa mata,chukup manah sereta chukup ngasuh ati tetarit utai ke bisi sebelah nya dia.Bida nadai tentu jauh ari menalan patung ke gali siti nyin suba,panjung ke sama alai pengarap buddha sama aja lah.Semina iya ke gali nyin lama agi,nyadi patung ke duduk tu baru agi.Kami menyanak nadai ulih masuk ke dalam,laban jam sigi udah laun bendar lebuh kami menyanak datai dia,begambar sereta meda meda ari utai sebelah luar nya dia meh kami.Pagila lusa nyangka bisi nemuai kia baru,lalu bedau terpantup ati enda ulih tama.Peda peda meh dia.........


SOPHIA SIMBA ENGGAU ERNEST VINSON BANYAN



APAI SIMBA POSING MAUT




PATUNG DUA ITI TU KIRA KE JAGA MENALAN TU DITU MEH,PIA KO MEK SIAM KE ENGGAU NGULU KE KAMI MENYANAK NYA NYERITA.ENTI ARI JERITA SITI,PATUNG TU SELALU DISEMBAH BALA SIDA APEK BAYAT,TU ANTARA PETARA SIDA KE MANGAH SERETA TAU SERANG.ENDA NEMU MEH KITAI......




GAYA SOPHIA SIMBA



SEDUAI SEMADIK BENUNG BERATI KE UTAI SEBELAH KULAM



ENDA NEMU NAMA GA RETI PATUNG SITI TU TAK GANJANG GANJANG DI ENGKAH KE SIDA IYA ARI ATAS KULAM NYA.NYANGKA MADAH KE PATUNG SITI TU UDU KA MANDI KINI??.....



APAI SIMBA SEMENYANAK



TINJAU MATA ARI TISI



INDAI SIMBA MADAH KA NYAU KA SEBAKA ENGGAU GAMAL TAPEIKONG BA SIBU DIN



RUMAH SITI TU,PALAN ALAI SIDA IYA NYIMPAN TENGKIRA KE PENGAMBIS IYA BEREGA DALAM ADAT SEMBIANG SIDA IYA.RUMAH SUCI SIDA IYA,BALA SAMI ENTI BISI DEKA BEGAGA KE UTAI DIKENA SEMBIANG TAUKA DEKA DIBERI NGAGAI BALA KE NYEMBAH BUDDHA TU,SIDA IYA SEMINA ULIH BEGAGA SERETA BESEMBIANG KE UTAI NYA DITU.KITAI URANG LUAR ENDA TAU TAMA KEDALAM RUMAH TU,SEMINA BALA SAMI AJA TAU TAMA.



ERNEST SEDUAI SOPHIA BERATI KE PINTU PENAMA ASUH RUMAH SUCI,SEMINA NANGKA TU AJA ULIH,TAMA ENDA DIKEMENDAR.........



UJI PEDA KITAK UTAI ARI SEPIAK SOPHIA SIMBA NYA,NYAU TAKUT MEDA PEMANGAH GAMAL IYA.NYA UTAI KE JAGA RUMAH TU.......



BAKA URANG KE MINTA SEDEKAH.......ENDA NEMU NAMA RETI PATUNG TU DI ENGKAH KE URANG DITU......
 
apaisimba's page belabuh ari august 2008