Thursday, June 04, 2009

PAPA.....PAPA.......PULAI ASUH INEK..........










Kandang ke berapa ari tu ke udah,nyau majak bala anak besebut ke papa.....papa....pulai asuh inek......, laban ke agi kandang ke pengawa kitai bansa ke berintu ka Gawai baka ke bulan tu,nyau ngasuh ati kami duai indai tuai sinu ngapa ninga ulah bala anak nemu nagih mai pulai.Nadai ko enggau iya meh bala anak ke mai pulai,enda tentu ulih dititih ke peminta sida iya.Enti nitih ke ati ka amat meh pulai begawai ke menoa diri,tang laban ke ngira pengawa diri.Enda tentu ulih ngaga cuti kediri empu taja pan bejalai ke pengawa diri.Sabar meh anak pia ko kami duai indai tuai ngumbuk bala anak.......nadai tentu lama da agi pulai meh kitai.Nyau baka ke ngintu raya kami menyanak,urang pulai gawai kami menyanak pulai bulan 8 tu ila ga ke menoa.Ngambi ke ulih lama agi meh di menoa,laban kandang bulan 8 nya ila bala laut puasa,nyamai ga kami menyanak pulai.Enti ditu pan nadai ga ulih bejual,enggai ke ditangkap jabatan agama.Bulan 8 udah gerenti ke pulai,tiket bilun mas pan udah ga dibeli ngilah ensana.Laban ke enda sabar agi ati,flight ke pengabis iya tumu dibeli aku kena kami menyanak ari Kelantan tu,udah nya urung iya pukul 8 lalu pagi bekejang ari KLIA nya ke Sibu.Semina ngitung ari da meh agi ka pulai,pejam enchelak pejam enchelak enda berasai 2 bulan nya.Kami duai indai tuai pan udah majak mupuk bebeli ke bala anak kain,ti ka di bai pulai nyadi ke ole ole.Nyamai agi meli mimit mimit ari diatu,awak ke enda berasai muai duit kia.Utai bukai kelimpah ari kain enggau keropok nadai tentu manah utai di Kelantan ditu,ba menoa kitai baka bala gari jauh iya lawa ari ditu.Nemu nemu aja meh bakani ko gaya menoa nik aziz ditu,semoa utai mesti ka tutup aurat ko iya,pedis mimit lah ka ngiga gari ke dikerindu ke kitai maya ari tu ditu.








Nyau ingat ke ka pulai ke menoa tadi,akai dai...........nyau nitik liur ingat ke penyamai mee kampua kitai din.Pelaba ke aku nyangka tak lantang lantang meh 3 pinggai nya diperubus ke sekali.Bansi 2 taun setengah udah enda majuh mee kampua.Tambah mega nyau tetenguk endar ga ke lauk babas kitai di menoa.Lauk ditu nyau leju makai iya,macam macam chara dikena emparu iya udah meh,bedau meh serasainya.Nyangka nya kini dikumbai urang lelengau ke menoa........enda ngachau meh,semina penyabar aja meh enda tau jauh kandang ke nganti maya ke ka pulai tu,ngarap ke bala anak mereti meh,ngarap ke enchelak mata seduai iya dani tinduk pagila anang nagih mai pulai agi..........enda alah ati nyau sinu baru..........enggai ke enda teantik ka bulan 8 nya pulai,sayau tiket udah dibeli.








 
apaisimba's page belabuh ari august 2008