Sunday, June 07, 2009

AKAI DAI!!!!!!!!!SELIPAR PISIN BARU...


SELIPAR PISIN BARU KEMAYA ARI DIATU


Lemai 6 aribulan nyin kemari,kami menyanak bisi asuh airport baru.Ukai meli tikit bilun,tang ngambi unggal aku Rosi pulai cuti gawai ari menoa.Mayuh amat ga kereta sarinya ke betengah ke jalai alun,kami menyanak ngenatai ke diri ba airport nyau ka 2 jam.Enti nitih ke iya nadai nya ngenyauh nya,enda datai 40 minit pejalai ke ngelama tu.Tang laban di menoa Kelantan tu ari 5 cuti ujung minggu sida iya,tambah mega nembiak sekula pan cuti,nyangka nya kini ngasuh jalai mayuh kereta nujah iya.Ujung minggu tentu nyau beambi ulih ga sida iya bejalai ngelantang ke ati.Sepemanjai jalai kami menyanak ke asuh airport,ukai mina kereta ke mayuh,urang kahwin pan mayuh meh dipansa kami menyanak.Enda kurang 10 buah rumah ke bisi ngatur pengawa melah pinang ke bisi di pansa.Jarang ulih meda utai ke baka tu.

Nyau ke pemuas iya ke ngelaban jalai jim,datai ga ba airport.Nya iya bulih,enggai ke nadai ke kenang enggau jerita.......datai di airport aku lalu ngerumban pansut ari kereta,ngiga kaban aku tu tadi.Baru aja aku tama ngagai airport,peda aku mata mensia enda nemu aku.Tak semua merening kaki aku,keterubah dikumbai aku merening likau nyelipan ba kaki aku,lalai ke aku mimit ga lebuh ke bejalai.Tang agi ga mata mensia mayuh merening,nyau kepemuas iya,malik aku kebaruh.Apu...!!!!!!!!!!!nadai enda utai ngemalu nya,nemu nya selipar kena aku nya tadi timpang.Sepiak selipar lawa,lalu sepiak selipar kelepuk.Tak enda kala meh asai ngemalu nya,nyau lese lese tudah kaban tadi lalu jampat jampat mulai ke diri ke kereta.Bedau kala ga umur iya aku tu mangat ngenyugau nya,akai dai nya selipar pisin baru aku.



Nasib laban aku parking enda jauh ari pintu pemansut,nyamai ga unggal aku Rosi napat ke aku.Enda ibuh rigau rigau iya begiga ke aku.Datai di kereta aku lalu madah asuh iya,nyau lekik lekik seduai iya melaki bini ketawa ke penyugau aku nya.Kami menyanak nganjung sida 3 menyanak asuh unit k9.Laban kereta seduai iya tinggal diak,ngulih ke bisi bala jaga.Seduai bisi ga mai utai siti dua ari menoa,bisi magi kami menyanak mimit.Pama meh bisi utai ke digaga,taja udah malu tadi.hehehehehe......nya meh penyilap enggau penyugau enda ngira tuai tau ke biak......hehe......selipar....selipar.


ANAK DARA ROSI AGI JENAK AMAT TINDUK,TAJA UDAH SANGKAI.


NYAU PENUH KEMUDI KERETA LABAN BEG SIDA MENYANAK


ROSI ENGGAU DATIN IYA BETALAT KE BUDU TERUBUK BISI BUCUR.BAU


TELUK MASIN BUNTAL



SERANGAN SEMUT TAUKE CUAN JALA


BUAH TERUNG IBAN


IKAN MASIN TERUBUK


ERNEST NGEMATA KE KAMI DUAI APAIQUMANG BEBANTAI KE BARANG.


SIMBA ENGGAU BANYAN BENUNG SINGAM SINGAM MAKAI KUE CHUAN.

4 comments:

Robb Sempurai said...

Congrates!This blog is now featured in Rivendellious Circle of Bloggers list.
Thanks for the support.

APAISIMBA said...

thanks a lot robb....happy belated gawai to you.......have a nice day.

♥B.P۞HeaVen eYe۞ said...

haha.. pama utai pama selipar timpang sepiak.. pahai kitai..

regards,
http://bungaipengrindu.blogspot.com/

APAISIMBA said...

NYA MEH NGAL........ENDA NEMU NAMA GAGA AKU SARI NYA TAU JUGAU ENDAR.ENDA KALA KALA AKU NGENYUGAU NYA NGELAMA TU.NYA BAI TUSAH ATI ENDA PULAI GAWAI KINI.....HEHEHEHEHEHE MALU AMAT INGAT KE NYA.........

 
apaisimba's page belabuh ari august 2008