Wednesday, June 17, 2009

IPAR AKU.......

Amat munyi ko urang,penyakit tau datai sebarang maya.Kandang ke berapa taun tu ke udah,sekumbang kami menyanak ke nadai pulai ke menoa.Mayuh amat ga utai ti udah nyadi,bisi sekeda nya ngasuh lantang,gaga sereta teperindang,tang bisi ga sekeda nya ngasuh ati sinu,irau sereta beraie.........2 3 ari ti udah bisi ga nerima berita ari menoa madah ka ipar aku Henry laki menyadi aku ke tuai sakit.Aku berasai tekenyit amat ninga tudah tuai kena sakit.Laban ngelama tu nadai kala ninga iya sebana madah ke diri sakit.Keterubah dikumbai aku nundi aku aja iya ke madah kediri sakit,ditundi aku tudah tadi.Padah ke aku nyangka enda chukup cas maya gawai tu tadi,nyangka nya kini ngasuh iya sakit.Ketawa ga iya ninga aku madah ke munyi nya.Tang udah nya iya lalu madah ke amat,ukai betundi.Iya madah ke diri benung nganti di pasuk ke urang ngagai wad,tudah tuai kena penyakit menanah ba tungkul atau.Nasib tumu dianjung,enti laun ditemu penyakit nya tau naban ke nyawa,nyema jako utai nya kembai lalu pechah piak ko lutor di spital Sibu.Tang nyangka laban spital Sibu enda chukup lutor pakar enggau perengka,diak ipar aku dianjung sida iya berubat ke spital besai di Kuching.Iya deka mupuk pagi tu lagi,ngena bilun ke pengambis iya tumu ari Sibu ke Kuching.Nyangka ngalih ke malam baru urang nebuk muai nanah ke bisi nyadi ba tungkul atau iya.Akai naka pemedis nya..............kami menyanak ditu ngajih ke tudah tuai gerai enggau jampat meh,ngarap ke nadai apa nama,lalu mujur diperubat sida bala lutor.Sinu ngenang tudah..............

No comments:

 
apaisimba's page belabuh ari august 2008